2012 թվականին Հայկուհու ու Սոսի ընտանիքում մեծ ուրախություն էր, ծնվել էր զույգի առաջնեկը, որի հետագայի համար ընտանիքի անդամները չէին խնայում ոչինչ։ Վախթանգը 5 տարեկան էր, երբ երեխայի մոտ հայտնաբերեցին լուրջ առողջական խնդիրներ, իսկ Հայկուհին ու Սոսը ամեն օր սկսեցին արթնանալ մի հույսով, որ մղջավանջն ավարտվել է։ Ընտանիքում առողջական խնդիրներին հաջորդեց նաև Հոռաթաղը կորցնելը, որտեղ թողնելով տարիների արած դրածը Հայկուհին ամուսու հետ դատարկաձեռն դուրս եկավ հարազատ գյուղից՝ Վախթանգին րոպե առաջ Հայաստան հասցնելու նպատակով։