ԿԻՍԱԲԱՑ ԼՈՒՍԱՄՈՒՏՆԵՐ
«Կիսաբաց Լուսամուտներ» թոք շոուն ստեղծվել է 2010 թվականին: Այն Ա-ԹԻՎԻ հեռուստաընկերության եթերում է 2010 թվականի դեկտեմբերի 13 -ից:
Մեկ տասնամյակ առանց դադարի ու ընդմիջման եթերում և 2500-ից ավելի հաղորդում ու պատմություն։
2010 թվականից Ա-ԹԻՎԻ հեռուստաընկերությամբ հեռարձակվող «Կիսաբաց Լուսամուտներ» թոք շոուն բարձրաձայն խոսում ու հեռուստադիտողին է ներկայացնում հասարակության տարբեր շերտերի խնդիրները ու հնարավորություն տալիս նրանց ստանալու ոլորտի լավագույն մասնագետների, հասարակության կամ պարզապես բարի մարդկանց աջակցությունն ու օգնությունը։ Հաղորդման շրջանակում քննարկվում են տարբեր թեմաներ՝ սոցիալական, իրավական, բժշկական նաև ընտանեկան։
Յուրաքանչյուր եթերին ցուցաբերելով առանձնահատուկ վերաբերմունք, հրավիրվում են տվյալ թեմային համապատասխան հատուկ փորձագետներ, որոնք իրենց մասնագիտական խորհուրդներով ու աջակցությամբ, մասնակիցների խնդիրներին տալիս են արդյունավետ լուծման տարբերակներ։
10 տարվա ընթացքում հաղորդման ստեղծագործական խումբը պատրաստել է էքսքլյուզիվ, հատուկ ու հոբելյանական հաղորդումներ, որոնց ընթացքում խոսվել է հայտնի մարդկանց խնդիրների, կորուստների նաև հաջողությունների ու ձեռքբերումների մասին։
Սկանդալային հաղորդումները ևս տեղ են գտնում «Կիսաբաց Լուսամուտներ» թոք շոուում։ Դրանց ընթացքում լինում են ամենաանսպասելի բացահայտումներն ու քննարկումները, որոնք շոկի են ենթարկում և՛ հառուստադիտողներին, և՛ փորձագետներին։
«Կիսաբաց Լուսամուտները» ունեցել է նաև ֆուտբոլային քննարկում։ Տաղավարում ֆուտբոլային ամենասպասված՝ Բարսելոնա-Ռեալ Մադրիդ խաղից առաջ, դարի ամենաուժեղ երկու ակումբների ամենանվիրված երկրպագուները քննարկել են «Էլ կլասիկոյի» ֆուտբոլիստների մարզական վիճակը ու կանխատեսել խաղի ելքը։
