4 երեխաների մայր Իրինան կողակիցների հեռանալուց հետո, զավակների մասին մոր օգնությամբ է հոգ տարել: Արցախյան վերջին պատերազմի ժամանակ Իրինան զավակների, ծեր մոր և համագյուղացիների հետ, սարերով ու անտառներով գյուղից գյուղ փախավ, որպեսզի թշնամու ձեռքերն իրենց չհասնեն: Այսօր արդեն թշնամու գնդակից մազապուրծ փախած Իրինան անչափահաս երեխաների հետ, Վայոց ձորի մարզի Եղեգնաձոր քաղաքում է ժամանակավոր կացարան գտել: 2023 թվականի սեպտեմբերի 19-ի երեկոյան Իրինան և համագյուղացիները հասկացան, որ թշնամին արդեն հարազատ գյուղում՝ Ճանկաթաղում է և դուրս եկան գյուղից:
