Հայրենիքում ստեղծված օրհասական վիճակը անարձագանք չմնաց նաև սփյուռքում։ Թուրք-ադրբեջանական ագրեսիայի և հայրենիքի դարպասների առջև հայտնված սիրիական ահաբեկիչների դիմաց կանգնեց կուռ ու միասնական հայ ազգը, համախմբելով՝ Հայաստան, Արցախ, սփյուռք եռամիասնությունը։ ԱՄՆ-ի Սակրամենտո քաղաքի հայությունը՝ Նաիրա Ղազարյանի գլխավորությամբ, հավաքվել էր մեկ հարկի տակ, որպեսզի «Կիսաբաց Լուսամուտներ» բարեգործական հիմնադրամի միջոցով, օգներ Արցախի Հանրապետությունից Հայաստան տեղափոխված մեր հայրենակիցներին։ Հավաքվածների կարծիքով, արցախահայությանը սատար կանգնելը և օգնության ձեռք մեկնելը այսօր յուրաքանչյուր հայի պարտքն է։ Սակրամենտոյի հայկական համայնքը արցախցու և Արցախի կողքին է։ Հայրենիքի համար այսքան կարևոր ժամանակում նա կշարունակի օգնել ու աջակցել՝ երեխաներին և կանանց, որոնք լքել են իրենց տներն ու կորցրել են իրենց ունեցվածքը։
Սակրամենտոյի հայությունը ևս մեկ ապացույց է, որ հայի ոգին անկոտրուն է և անսասան։ #Հաղթելուենք
