Գագիկ Հովհաննիսյանի ուսերին է ծանրացած՝ կնոջ, 8 անչափահաս երեխաների, մոր, քրոջ ու եղբոր հոգսը: 14 հոգանոց ընտանիքն ապրում է նպաստով։ Գագիկը հիմնական աշխատանք չունի, բանվորական աշխատանք է կատարում իր երեխաների հետ, բայց դա էլ սեզոնային է:
Հեռուստադիտողներից Հենզել Մանուչարյանն իր ընկերների հետ որոշել էին օգնել Գագիկի բազմանդամ ընտանիքին։ Նրանք այսօր ընկերներով այցելեցին ընտանիքին ու իրենց նվերները հանձնեցին փոքրիկներին՝ հագուստ, սնունդ, խաղալիքներ:
Նրանք նաև շփվեցին երեխաների հետ, խաղացին ու փորձեցին երեխաների առօրյան փոքր ինչ տարբերվող դարձնել: Տան մեծերից էլ պարզեցին, թե ինչով կարող են օգտակար լինել ու միացան Գագիկին և Անահիտին, տնամերձ հողամասում աճող խաղողների վազերը ամրացնելու գործին :
