• July 29, 2019

Հուսահատության գերին

Ալվինա Մանուչարյանը 25 տարեկանում  հանդիպեց  Արծրուն Միքայելյանին և ամուսնացավ։ Համատեղ տարիների ընթացքում Ալվինան Արծրունին պարգևեց երկու դուստր, բայց  արցախյան պատերազմը բաժանեց ամուսիններին։ 1992 թվականին Եղեգնաձորի շրջանի Խաչիկ գյուղի ինքնապաշտպանական մարտերի ժամանակ  հունիսի 9-ին Արծուրունը զոհվեց։ Այսօր տիկին Ալվինան ապրում է բնածին հոդախախտ ունեցող դստեր 34-ամյա Արմինեի հետ՝ հանրակացարանային փոքր սենյակում։ Տիկին Ալվինան մշտական աշխատանք չունի։ Այսօր հերոսի կինը ուրիշների տներ է մաքրում ու մեկ օրվա համար վաստակում է 1000-ից 2 000 դրամ: Կոմունալներն ու ամենօրյա հոգսը հոգում են Արմինեի հաշմանդամության թոշակով, որը կազմում է 40 000 դրամ:

MM կահույքի խանութների ցանցի տնօրինությունը հաղորդումը եթեր հեռարձակվելուց հետո որոշեց մահճակալ նվիրել տիկին Ալվինային ու Արմինեին: Կահույքի խանութների ցանցի ներկայացուցիչը այցելեց Ջրվեժ Բանավան թաղամաս։

Այս ընտանիքի խնդիրները բազմաթիվ են, իսկ ցանկացած օգնություն սպասված է ու տեղին։