Առաջին հայացքից երջանիկ այս ընտանիքը չէր էլ մտածում, որ մի օր իրենց սիրո պատմությանը պետք է հետևեր ամուսնու առողջական վիճակի կտրուկ վատթարացումը, որը փոխեց նրանց կյանքը: 2018 թվականին Վարդուհի Մելիքսեթյանի ընտանիքում ամեն բան գլխիվայր շրջվեց ամուսնու՝ Հրաչյայի մոտ ի հայտ եկած առողջական խնդիրների պատճառով։ Օր-օրի մեծացող հիվանդանոցային ծախսերի պատճառով, Վարդուհին ու նրա ամուսինը վաճառեցին իրենց տունը: Այսօր արդեն վարձով տանը` Վարդուհին պայքարում է, ամուսնու մի փունջ առողջական խնդիրների և 2 անչափահաս երեխաների հոգսը հոգալու համար:
