73-ամյա Արմենուհի Շիրինյանն արդեն մի քանի տարի է, սեփական որոշմամբ ապրում է զավակներից հեռու: Ինչպես տիկին Արմենուհին է պնդում, ինքն իր տանն ապրում է հարևանների հետ ունեցած խնդիրներով, իսկ դրանց արդեն գումարվել է ծերունական թոշակից զրկվելը: Որդիներից ու աղջկանից հեռու, իր անհաշտ մտքերով, օր օրի ավելացող առողջական խնդիրներով ու շարունակվող բողոքներով է ապրում տիկին Արմենուհին։