Սուսաննայի ու Վլադիմիրի ամուսնական կյանքը սկսվեց այն ժամանակ, երբ երկուսն էլ անցյալում ունեին չստացված ամուսնություն ու միայնակ էին մեծացնում այդ ընթացքում ծնված որդիներին։ Մեկը մյուսի երեխային ընդունելով հարազատի պես նրանք ապրում էին հաշտ ու երջանիկ, բայց Վլադիմիրի մահից հետո ամեն ինչ փոխվեց ու մինչև հիմա խնդիրները չեն ստացել իրենց համապատասխան լուծումները։
Սուսաննան ամուսնու որդուն՝ Սուրենին աջակցում է ամեն ինչով։ Որդու նորաստեղծ ընտանիքի բարեկեցիկ կյանքի համար նրանք որոշել են վաճառել հայրական տունը։ Գործարքը կատարելու համար անհրաժեշտ է նաև Վլադիմիրի առաջին կնոջ համաձայնությունը, բայց նա որևէ կերպ չի համաձայնվում վաճառել այդ բնակարանը։
