Ռիտան ու Մխիթարը, տարիներ առաջ ավելի բարեկեցիկ կյանքով ապրելու նպատակով, Գեղարքունիքի մարզի Խաչաղբյուր գյուղից հեռանալու որոշում կայացրեցին և բնակություն հաստատեցին Արարատի մարզում: Ընտանիքը կարծես թե կարողանում էր առաջ շարժվել, վաստակել զավակների օրվա հացը, բայց ամիսներ առաջ տեղի ունեցած ավտովթարը հիմնովին փոխեց նրանց կյանքը: Վթարի հետևանքով Մխիթարի ունեցած առողջական խնդիրները պատճառ դարձան ընտանիքի նոր սոցիալական դժվարություններին: