Երբ Սոնան 7 տարեկան էր, մայրը՝ Լիլիթը, նրա մոտ տարօրինակություններ նկատեց, որոնք հաճախակի էին արտահայտվում: Օրեր անց ավագ դստեր անհասկանալի վարքագծին փոխարինելու եկան քաշի արագ նվազումն ու գիտակցության կորուստը: Արդեն 12 տարեկան Սոնան դժվարությունները հաղթահարելով փորձում է ապրել իրեն բաժին հասած կյանքը՝ հիվանդության սահմանած կանոններով: Փոքրիկ Սոնայի ՛՛քաղցր՛՛ հիվանդության դառը հետևանքները, բաժին հասած դժվարություններն ու ընտանիքում մեծացող մյուս մանկահասակ երեխաների առողջական խնդիրների ծանր հոգսը այսօր երտասարդ մայրիկի՝ Լիլիթի ուսերին են:
