Շիրակի մարզի Մարմաշեն գյուղում ապրող մատնահարդար 19-ամյա Բահար Բաբայանի դերասանուհի դառնալու երազանքը, երազանք էլ մնաց, երբ նա հանդիպեց Շալիկո Խուդոյանին և ամուսնացավ նրա հետ։ Ժամանակի ընթացքում Բահարը հարմարվեց ամուսնացած կնոջ կարգավիճակին ու ամուսնուն պարգևեց երկու զավակ՝  Մարիային  և Ալիկին։ Շալիկոն փորձում էր ընտանիքի համար լավ կյանք ապահովել և  2015 թվականին մեկնեց Ռուսաստան արտագնա աշխատանքի։ Սակայն  ՌԴ-ում Շալիկոյի ինքնազգացողությունը վատացավ ու տուն դարձի ճանապարհին նա հեռացավ կյանքից։