Ճարտար քաղաքից բռնի տեղահանվելուց հետո, Լոռու Մարզի Մեծավան գյուղում է կյանքը շարունակում Սաֆարյանների բազմանդամ ընտանիքը: Բազմաթիվ դժվարություններ, ցավ ու տառապանք տեսած այս ընտանիքն այսօր ամեն ինչ 0-ից սկսելու փորձեր է անում: 10 երեխաների ծնողներ՝ Նարինեն ու Արան փորձում են մոռանալ կատարվածը և պայքարել զավակների բարեկեցիկ կենցաղի ու վաղվա օրը էլ ավելի անհոգ դարձնելու համար: Ճարտարում օր ու գիշեր աշխատելով, Նարինեն ու Արան փորձում էին երեխաների օրվա հացը ապահովել, իսկ Մեծավան համայնքում նրանք դեռ ապրում են ստացած սոցիալական աջակցություններով, հույսը սրտում, որ աշխատանք կգտնեն և իրենց ապրուստը իրենք կվաստակեն:
