Երկրորդ ամուսնուց բաժանվելուց հետո Հասմիկը շարունակեց ապրել ամուսնու հայրական տան մի սենյակում, սակայն մեկ տարի առաջ տուն վերադառնալիս տեսավ տան բակի դուռը կողպած: Այդ օրից սկսվեց Հասմիկի և ամուսնու եղբոր ընտանիքի միջև դատական գործընթաց, որտեղ ամեն մի կողմ պաշտպանում է իր իրավունքներն, իսկ այդ ընթացքում Հասմիկը մնացել է առանց կացարանի: Հասմիկի դիմաց փակել են Արմավիրի մարզի Ոսկեհատ գյուղում գտնվող այն տան դուռը, որտեղ իր կյանքի մեծամասնությունն անցկացրել է Հասմիկը:
