Աղունիկ և Կարլոս ամուսնական զույգը արդեն մի քանի ամիս է ինչ կանգնել է խնդրի առաջ: Կարլոսը եղբոր վիրահատության համար նրան լիազորագիր տվեց, որպեսզի իր ավտոտնակը վաճառի, սակայն ամեն ինչ գլխիվայր շրջվեց՝ ավտոտնակի փոխարեն եղբայրը տունը վաճառեց: Կարլոսի պնդմամբ, եղբոր կատարած անմարդկային քայլը իր նկատմամբ, ներկայիս իր առողջական խնդիրների միակ պատճառն է: Տուն ունեինք, բայց արդեն չունենք, ասում է Աղունիկը և ավելացնում, որ ցանկացած գնով հասնելու է նրան, որ ամուսնու ունեցածը նորից իրենց պատկանի:
