Պետրոս Սերգեյանը 9 տարի կյանքը կապեց Անժելա Մուրադյանի հետ։ Տարիներ շարունակ տեղից տեղ տեղափոխվելով ընտանիքն այսօր հիմնական կացարան ունի, սակայն ինչպես Պետրոսնն է պնդում,  ապրելու միջոցներ ստեղծել չի կարողանում: Չորս երեխաների հայր՝ 30-ամյա Պետրոսը հիմնական աշխատանք չի կարողանում գտնել տեսողական խնդիրների պատճառով։ Ունենալով սեփական հողատարածք ամուսինները նեղսրտում են, որ իրենց հողամասը մշակելու փոխարեն ուրիշների համար վարձու աշխատող են  դարձել: Ընտանիքն այսօր կանգնած է բազմաթիվ խնդիրների առաջ: