46-ամյա Գոհարն ու նրա 82-ամյա առողջական խնդիրներ ունեցող մայրը տարիներ շարունակ տեղից տեղ են տեղափոխվել սեփական կացարան չունենալու պատճառով: Այսօր արդեն ժամանակավոր կացարանում՝ առանց կենցաղային պայմանների շարունակում են կյանքը մայր ու աղջիկ. հույս ունենալով մի օր քիչ թե շատ բարելավել սենյակի պայմանները: Տեղից տեղ տեղափոխվելուց հետո Գոհարն ու մայրը ի վերջո դառնում են անտառի բնակիչներ և միայն ամիսներ առաջ է, որ կարողացել են անտառից տեղափոխվել հանրակացարանային սենյակ:
