Որդեգրելով կյանքն իմ ոճով ապրելու սկզբունքը Աշոտը արդեն հինգ տարի իր անվասայլակի ու առողջական խնդիրների հետ ապրում է միայնակ։ Դժվարությունների հիմքում 5 տարի առաջ տեղի ունեցած դժբախտ պատահարն է։ Էլեկտրականությունը նորոգելուց հոսահանքարվել է, ընկել 3 մետր բարձրությունից ու ստացել տարբեր կոտրվածքներ։ Սկզբում նրա ծնողներն են խնամել նրան, սակայն առողջական խնդիրներից ելնելով նրանք հիմա ՌԴ-ում են ու իրենց բուժումը ստանում են այնտեղ։

Աշոտը տիրապետում է մի քանի արհեստների, սակայն դժվարությամբ է կարողանում հոգալ կենցաղային հարցերը, քանի որ ունի հենաշարժողական խնդիր։ Նրա կողքին ոչ ոք չկա, իսկ մի տեղից մյուսը տեղափոխվելը նրա համար իսկական փորձություն է։