Հեռվից թվացող էլեգանտ, անհոգ առօրյայով Ֆրանսիան գրավեց Վիկտորյային ու նա, հանուն իր տղայի ապագայի ու բերեկեցիկ կյանքի, որոշեց վաճառել հայրենիքում ունեցած ողջ ունեցվածքը և որդու ու մոր հետ մեկնել Ֆրանցիա։ Հասնելուն պես անհաջողությունների շղթան սկսվեց ու արդյունքում նրանց տեղավորեցին փախստականների ճամբարում։ Վիկտորյան պատմում է, որ իր տղայի ու մոր հետ քնում էին Ֆրանսիայի փողոցներում, բայց ըստ նախնական պայմանավորվածության` ամեն բան պետք է այլ կերպ լիներ։ Հաշված օրեր հետո նրանք խաբված ու հուսահատ վերադարձան հայրենիք, բայց նրանք նույնիսկ այստեղ գիշերելու տանիք չունեին։ Նրանք հիմա ժամանակավոր տեղավորվել են հյուրատանը, բայց նրանք երկար այդտեղ մնալ չեն կարող։ Վարձակալած սենյակի համար պետք է վճարել, բայց ընտանիքը չունի որևէ ֆինանսական միջոց։
