Տանս տերը չեմ, ասում է Անուշ Գրիգորյանը և ավելացնում, որ ազգականների թեթև ձեռքով է ամեն ինչ պատահել: 85-ամյա այս կինը պնդում է, որ տարիներ առաջ քույրը, քրոջ ամուսինն ու եղբոր կինը ապօրինաբար վաճառել են իր բնակարանը՝ եղբոր որդուն, բայց ինքը դրա մասին իմացել է տարիներ անց, այն էլ պատահական: Արդեն մի քանի տարի է տիկին Անուշը ապրում է հստակ պահանջներով, նա հարազատներից պահանջում է իր տունը, որն այլևս իրենը չէ:
