Կարինեի մայրը աղջկա առողջական խնդիրների մասին իմանալուց հետո որոշեց նրա խնամակալությունը հանձնել տատիկին։

Տատի և պապի հետ ապրելու ամբողջ ընթացքում Կարինեի մոտ ախտորոշված ընդհանուր թարախային վարակը նրանց հանգիստ չի տվել։ Շատ անգամ դիմել են բժիշկների օգնությանը, սակայն նրանք ասել են, որ չեն կարող օգնել, քանի որ Կարինեի մոտ այդ հիվանդությունը փոքրուց է։

Կարինեի ամուսինը՝ Մուրադը, հաշվի չառնելով առողջական խնդիրները ամուսնացավ նրա հետ։ Տատու մահից հետո նրանք իրենց 8 ամյա որդու հետ ապրում են նրա ոչ բարեկարգ տանը, սակայն այսօր առողջական խնդիրներին գումարվել են սոցիալական հարցերը։ Կարինեն առողջական խնդիրների պատճառով դարձել է անաշխատունակ, իսկ ամուսնու աշխատավարձով էլ չեն կարողանում հոգալ ընտանիքի և նրանց երեխայի հոգսերը։