2015 թվականի սեպտեմբերի 3–ին հակառակորդի գնդակից զոհված պայմանագրային զինծառայող Հայկ Թեւոսյանն առողջական խնդիրներ ուներ, բայց ծառայությունից չէր հրաժարվում։ Առաջին գիծ միշտ իր կամքով էր գնում. չէր ուզում մենակ թողնել երիտասարդ նորակոչիկներին։ Գյուղում բոլորը արդեն տեղյակ էին, որ համագյուղացի Հայկ Թևոյանը հակառակորդի գնդակից զոհվել է, սակայն ոչ ոք համարձակություն չուներ այդ մասին հայտնելու կնոջը` Ջավահիր Հակոբյանին: Ամուսնու կորստի հետ դեռ չհամակերպված երիտասարդ կինը մտածում է, թե ինչպես է միայնակ հոգալու երեխաների կարիքները։ Թևոսյանների ավագ որդին՝ Կառլենը հոր կորստից հետո մի քանի օրվա մեջ մեծացավ ու հասկանում է, որ ինքն է հիմա մոր գլխավոր օգնականը, նաեւ ինքը պիտի ավարտին հասցնի Հայկի կիսատ թողած գործերը։
