1997 թվականին Ռաֆայելն առաջին անգամ մտավ մանկատուն, որտեղից դուրս եկավ 2003 թվականին ու ապրեց հարազատների տանն այնքան, մինչև գտավ իր կյանքի ուղեկցին: Հետևում թողնելով մանկատանն անցկացրած տարինները Ռաֆայելը կազմեց իր ընտանիքն ու կնոջ ՝ Արմենուհու հետ, որոշեց, որ այսուհետ բոլոր դժվարությունների միջով անցնելու են միասին:  Առողջական խնդիրներով հանդերձ 38-ամյա Ռաֆայելն իր հնարավորությունների սահմանում փորձում է անել ամեն ինչ, որ ապահովի երկու աղջիկների բարեկեցիկ ապագան: