13 տարվա համատեղ կյանքից հետո Նարինեն հեռացավ իր ամուսնուց՝ իր հետ տանելով 2 երեխաներին, իսկ մեծ տղան մնաց հոր հետ։ Վահրամը ամեն գնով պայքարում է մյուս 2 երեխաների համար, սակայն նրա պնդմամբ՝ կինը արգելում է նրան շփվել երեխաների հետ ու գաղտնի է պահում իրենց մնալու տեղը։

Նախկին ամուսինների մեծ տղայի խոսքով հոր մոտ մնալու որոշումն ու ցանկությունը իրենն է, քանի որ նա պնդում է՝ մայրը իրենց լավ չի վերաբերվել։ Տղան ցանկություն է հայտնել հանդիպելու իր եղբայրներին, սակայն մայրը միշտ արգելել է։ Ըստ Նարինեի՝ նրա արգելքները հիմնավոր են ու արդարացված։ Նա ունի պատճառներ երեխաներին հորից հեռու պահելու համար։