Հոր մահից հետո 21ամյա Վլադիմիրը ապրում էր տատի հետ հայրական տանը, բայց երբեմն ժամանակավոր գնում էր Սիսիան՝ մոր ու նրա երկրորդ ընտանիքի հետ ապրելու։ Այդ օրերին նրա մտքում միայն մի բան էր պտտվում՝ ե՞րբ է վերադառնալու Շաղատ գյուղ ու շարունակելու ապրել տատի հետ, սակայն այսօր նա այնտեղ գնալուց զրկված է։ Հարազատ հորեղբայրը հայրական տան դուռը փակել է Վլադիկի առաջ ու արգելել է վերադառնալ Շաղատ, բայց նա չի ցանկանում լսել ուրիշ տեղ ապրելու մասին և օգտագործում է բոլոր հնարավոր տարբերակները տատի մոտ վերադառնալու ու Շաղատում ապրելու համար։