2013 թվականին Հասմիկը երկրորդ անգամ գտավ կյանքի ուղեկցին՝ Սարգիսին, որը ընդունեց Հասմիկի որդուն, իսկ 2014 թվականին նորաստեղծ ընտանիքում ծնվեց համատեղ աղջիկ: 4 հոգուց բաղկացած ընտանիքն այսօր առանց վարձավճարի ապրում է Աշտարակում գտնվող տանը, որի պատերը օր-օրի փուլ են գալիս ներս հրավիրելով օձերին և կարիճներին: Դժվարությունների մեծ արկղում, մի փոքր անկյունում թողնելով առողջական հարցերը, Հասմիկն ու Սարգիսը փորձում են լուծել տանիքի ու օրվա հացի խնդիրը:
