Դեռ նախորդ հաղորդման ժամանակ Սուսաննա Կիրակոսյանը անընդհատ շեշտում էր, որ չի ցանկանում մնալ ամուսնու կողքին։ Պատճառները շատ էին՝ անվերջանալի վեճեր, ծեծկռտուք, որոնց հիմնական պատճառը, ըստ Սուսաննայի, ամուսնու անիմաստ խանդն էր։

6 տարի առաջ հեռանալու որոշումից ի վեր երկու որդիները ստանում են միայն մայրական խնամք ու երբևէ տեղյակ չեն եղել հոր գոյության մասին, և միայն վերջերս է Սուսաննան իմացել նախկին ամուսնու մահվան մասին, բայց Սուսաննայի խոսքով՝ նա իր մահվան վկայականը ստացել էր այն ժամաակ, երբ դեռ ողջ էր։

Միայնակ մայրն ու երեխաները չունեն հիմնական բնակավայր, տղաներից մեկն էլ ունի առողջական խնդիր՝ երբեմն երեխան ցնցումներ է ունենում, իսկ մայրը այդ ժամանակ անզորանում է ու չի կարողանում օգնել իր տղային։