11 տարի Հեղինեն հանդուրժել է ամուսնու վատ վերաբերմունքը իր նկատմամբ ու հանուն 3 երեխաների մնացել է ամուսնու կողքին, բայց հիմա նա հեռացել է իր տղամարդուց ու երեք երեխաներից երկուսի հետ ամեն օր փախեփախ է անում ամուսնուց։ Նրա պնդմամբ՝ հայրը հոգ չի տանում իր որդու մասին ու անչափահաս տղան հոր ու նրա ընկերների հետ հավասար գրեթե ամեն օր ալկոհոլ է օգտագործում, բայց մոր օրինական ճանապարհով երեխային վերցնելու բոլոր փորձերը մինչև այժմ ձախողվել են։

Այս պատմության երրորդ կողմը՝ ընտանիքի վարձակալած տան տերն ու հարևանները այլ բան են պնդում։  Նրանք այս պատմության մեղավոր են համարում 33ամյա Հեղինեին ու պահանջում են զրկել նրան մայրական իրավունքներից։