Մինչև Գայանեի ամուսնու սպանությունը երկու եղբայրների ընտանիքները ապրել են մեկ հարկի տակ ու առանց խնդիրների։ ՌԴ-ում տեղի ունեցած սպանությունից հետո հարաբերությունները լարվեցին ու սկսվեց անհաշիվ դատական գործընթացները։ Իրավիճակը բարդացավ այն աստիճան, որ եղբայրը եղբոր ընտանիքի երեխաներին զրկեց հայրական տան դուռը բացելու իրավունքից։ Սիմոնյանների ընտանիքի խնդրին Ագարակավան համայնքում բոլորն են ծանոթ։ Տեղյակ են որ ընտանիքը ապրելու տեղ չունի, և համայքի բնակիչներից մեկն էլ ժամանակավոր կացարան էր տրամադրել, բայց հիմա նրանց առաջ այդ տան դռները ևս փակվեցին, քանի որ տան տերը ցանկանում է վերանորոգել իր տունը։ Գայանեն ու իր երեխաներն էլ ստիպված են լքել բնակարանը։