Ամուսնալուծությունից հետո Նելլի Սարգսյանն արդեն 4 տարի է իր հինգ երեխաների հետ ապրում է Տավուշի մարզի Պառավաքար գյուղում։ Տարիներ շարունակ ամուսնու՝ Սամվելի կողմից բռնության ենթարկվելով Նելլին, հանուն երեխաների շարունակում էր մնալ նրա կողքին: Նելլին պատմում է, որ գյուղի բոլոր խանութներին պարտք է։ Մշտական աշխատանք չունի։ Ավագ դստեր հետ խաղողաքաղի ժամանակ է միայն կարողանում մի փոքր գումար վաստակել։ «Կրակոցների տակ ընկնելու վախով այգում աշխատում ենք, որ գոնե կարողանանք ձմռան վառելափայտը գնել ու դասագրքերի գումարը վճարել», – ասում է բազմազավակ մայրը։