Ամուսնու տնից՝ հայրական տուն, հայրական տնից հարևանի, իսկ հարևանի տնից սեփական թոնրատուն: Հենց այսպես է ապրում վերջին ամիսներին 45-ամյա Էմմա Խուդոյանը: 2022 թվականի օգոստոս ամսին Էմմա Խուդոյանի և ամուսնու հերթական վեճից հետո ամուսինն Էմմային տանից դուրս հանեց:Ինչպես չորս չափահաս զավակների մայրն է ասում, սեփական տան դռները կողակցի և նրա ընտանիքի թեթև ձեռքով փակվել են իր առաջ և միակ կացարանը՝ հարազատ տանը կից թոնրատունն է դարձել:
